Berisha: Zëri i popullit do të dëgjohet sot në sallën e Kuvendit dhe jashtë saj

Kreu i PD, Sali Berisha, u ka bërë thirrje qytetarëve të bashkohen me protestën e opozitës pasditen e sotme jashtë sallës së Parlementit në orën 17.00, ndërsa tha se zëri i popullit opozitar duhet të dëgjohet në sallë dhe jashtë saj.

“Ata që u strukën në vrima miu në datën 11 shkurt, ata që postuan video të regjistruara kohë më parë, tani dalin nga vrima e miut e tallen me qytetarët, tallen me protetën e tyre të jashtëzakonshme.

Ky është morali i tyre, karakteri i tyre ndaj dhe sot në orën 5, ju ftoj të gjithëve para Parlamentit të dëgjohet zëri juaj, të dëgjohet në sallë dhe jashtë saj, zëri i popullit opozitar“, ta Berisha në një dalje për mediat.