Blindohet Dibra, mbërrijnë materialet e votimit për zgjedhjet e së dielës

Në Dibër kanë mbërritur pasditen e sotme materialet zgjedhore për zgjedhjet për kreun e Bashkisë, të cilat do të mbahen këtë të dielë. Materialet zgjedhore u magazinuan në ambientet e palestrës të “ish-Shkollës Bujqësore”.

Godina është marrë në ruajtje nga jashtë nga punonjësit e Policisë të Komisariatit të Policisë Dibër.

Në këtë godinë është e vendosur edhe KZAZ­ja dhe VNV­ja. “News 24” raporton se forca të shumta policore pritet të jenë të pranishme që ditën e premte në qytetin e Peshkopisë dhe gjithë rrethin e Dibrës.

Zyrtarët e Policisë kanë mirëorganizuar shërbimet edhe në zonën e Lurës ku është e vështirë ndërlidhja telefonike dhe me radiot e Policisë.

Deri sot nuk janë raportuar incidente nga dy kandidatët në garë dhe as nga shtabet elektorale.