Blinken: Media e lirë dhe e pavarur lejon publikun të kërkojë përgjegjësi nga qeveritarët

Ambasada amerikane në Tiranë ka shpërndarë në rrjetet sociale mesazhin e Sekretarit amerikan të Shtetit, Antony Blinken për rëndësinë e lirisë së medias dhe pavarësisë së saj.

Sekretari Blinken ka nënvizuar faktin se media e lirë dhe e pavarur lejon publikun të marrë vendime të informuara.

Blinken mes të tjerash theksoi se media e lirë nuk ndikohet nga qeveritë dhe se i jep informacion publikut të mbrojë veten e të mbajë përgjegjës zyrtarët.

“Informacioni dhe njohuria janë mjete të fuqishme,” tha mes të tjerash Blinken. “Një shtyp i lirë dhe i pavarur është institucioni kryesor që lidh publikun me informacionin që i nevojitet për të mbrojtur vetveten, për të marrë vendime të informuara dhe për të mbajtur përgjegjës zyrtarët qeveritarë.”, shtoi ai.