Blushi-Bushatit: Përcaktoni çështjet për informim, mbetet vetëm në vullnetin tënd

Ben Blushi dhe Arta Dade kanë debatuar me ministrin e Punëve të Jashtme Ditmir Bushati në Komisionin për Politikën e Jashtme në lidhje me çështjet për të cilat kjo ministri duhet të raportojë në Kuvend. Sipas Blushit, ministria duhet të përcaktojë qartë çështjet për të cilat duhet të raportojë, duke qenë se sipas tij, nuk duhet të mbetet vetëm në vullnetin e ministrit. “Për cilat çështje ministria e Jashtme duhet të informojë? Duhen përcaktuar qartë që informimi  të mos mbetet në vullnet vetëm të ministrit”, ka thënë Blushi në komision. Kurse deputetja e PS-së, Arta Dade ka sjellë në vëmendje se ministria e Punëve të Jashtme duhet të bëjë një informim apo konsultim me presidentin në lidhje me çështjet.  “Për presidentit bëhet informim , jo njoftim. Afati për dekretim nga 20 ditë do të bëhet 30 ditë”, u shpreh ministri i Jashtëm, Ditmir Bushati.