Deputeti i PD: Nuk rrëzohet Rama duke gjuajtur nga Facebook-u Bashën

Deputeti i PD, Luçiano Boçi e shikon debatin për dorëheqjen e kryetarit të partisë në rast humbjesh në zgjidhje si një debat të ekzagjeruar dhe shterpë.

I ftuar në studion e lajmeve të Ora News, ai iu përgjigj kritikëve që kërkojnë largimin e Bashës, duke thënë se Rama nuk rrëzohet duke e gjuajtur Bashën.

Boçi: Debatet mua më duken pak të ekzagjeruara në këtë pikë sepse iniciojmë një betejë politike dhe inicimi i betejës politike ka një qëllim fundor, rrëzimin e Ramës. Rrëzimi i Ramës nuk mund të bëhet duke gjuajtur nga frëngjitë e politikës apo të Facebook-ut çdo moment Lulzim Bashën apo kryetarin e PD. 

Deputeti demokrat tha se statuti është i Partisë Demokratike dhe jo i kryetrarit të PD, prandaj ai shprehet se hynë me statut të ri për të fituar zgjedhjet. Duke theksuar se dorëheqja e kreut të partisë është morale dhe jo ligjore, Boçi deklaroi se partitë nuk e kanë luksin që të zgjidhin çdo 4 vjet një kryetar.

Boçi: Statuti nuk është statuti i kryetarit të PD, por është statuti i PD. Në strategjinë politike të një forcë dhe mënyrën si qaset ajo psikologjikisht para elektoratit nuk mund të bësh një debat për humbjen. Ne hymë me statut të ri për të fituart dhe për të marrë fatet e vendit në dorë. Çështja është se dorëheqja është akt moral dhe nuk është akt ligjor dhe nuk besoj se është dhe dorëheqje dhe detyrim.  Besoj se në raste rezultatesh përderisa është morale kjo ngelet në moralin e drejtuesit por mos harojmë që jemi në një proces zgjedhor një anëtar një votë për kryetarin e PD, është dhe në moralin e anëtarëve të PD që votojnë dhe secili prej tyre e gjykon shumë mirë se kush mund të jetë lideri i përshtatshëm. Partitë politike në Shqipëri nuk e kanë atë luksin që njëherë në  4 vite të zgjedhin një lider të ri. Lideri ka një rrugëtim të tij, që mund të ketë një seri suksesesh, por mund të ketë brenda tyre dhe ulje dhe ngritje dhe dështime dhe kjo është pjekje e liderit. Pra nuk mund të djegim figura duke vendosur nene absurde në një statut që ne e hartojmë për të fituar zgjedhje.

Përgatitjet për zgjedhjet lokale dhe bashkëpunimi me LSI

Boçi: Tani jemi në një situatë politike të protestës qytetare, të angazhimit të strukturave, të kalimit të partisë në një reformim total dhe zgjedhor dhe pas kësaj dhe pas përfundimit të Kuvendit Kombëtar sigurisht do konsiderohen në bazë të statutit, pasi ka një vendimmarrje kolegjiale në lidhje dhe me kandidaturat dhe kolaicionet që duhet të bëjë PD. Basha është shumë i qartë në këtë pikë dhe do të respektojë nën për nen statutin që do miratojë Kuvendi i PD.

Ka skepticizëm për kolaicion me LS?

Boçi: Skepticizëm mund të jetë paksa historik, por historia është shumë e shkurtër për shkak të asaj martese që LSI pati me PS, për shkak të rolit bazik që LSI pati në ardhjen e PS në pushtet. Por gjithësesi përballë qëllimit kryesor që është rrëzimi i Ramës dhe marrjes në dorë e fateve të vendit, ne do shohim mundësitë e bashkëpunimit me një opozitë të gjerë jo vetëm me LSI, por me të gjithë spektrin politik. Pastaj termat e bashkëpunimit do të konsiderohen nga organet kolegjiale që do të dalin nga statuti i PD. Nuk do jenë vendime personale dhe në formën e martesave të shkurtra apo afatmesme, por do të jenë marrëveshje politike që respektojnë skepticizmat, optimizmat, por edhe që respektojnë situatën politikë ku ndodhet vendit