Deputetja e LSI: “Llalla” dhe raporti i “Freedom House”, të sponsorizuar nga Rama

Deputetja e LSI-së, Kejdi Mehmetaj e ftuar në “360 Gradë” në Ora News, thotë se raporti i “Freedom House” dhe ato që lidhet me lajmet e shpërthyera së fundmi në media sipas të cilave, Adriatik Llalla ka çuar një dokument në SHBA, që ambasadori Lu kishte kërkuar arrestimin e Metës, janë shashka që hidhen nga Rama për të shfokusuar qytetarët nga kërkesa për largimin e kryeministrit.

Mehmetaj: Për mua, ngjarjet që kanë nxjerrë në media janë sponsorizim, qoftë kjo, qoftë e “Freedom House”, janë sponsorizime tipike të qeverisë Rama dhe të atyre që kanë qëndruar gjithmonë pas Ramës duke e sponsorizuar, dhe nuk kam kompleks ta them Sorosin, për të shfokusuar reagimin qytetar. Nëse sot qytetarët thonë se Rama duhet të bjerë, Rama çfarë bën? Hedh ca shashka për të na shfokusuar.