Dervishaj merr detyrën, bën betimin në Presidencë

Ministri i ri i Transportit dhe Infrastrukturës, Sokol Dervishaj është betuar këtë të premte para Presidentit të Republikës.

Lajmi bëhet i ditur në një njoftim për shtyp të shpërndarë nga selia e Presidencës, teksa i pranishëm në këtë ceremoni ka qenë edhe zv.kryeministri Niko Peleshi.

Dervishaj u caktua në këtë detyrë pas dorëheqjes të dhënë nga Edmond Haxhinasto në fillim të muajit.