Dibra bëhet gati për zgjedhjen e kryetarit, nis shpërndarja bazës materiale

Zgjedhjet për kryetarin e ri të Bashkisë së Dibrës do të mbahen nesër, por në këtë qytet materialet zgjedhore kanë shkuar vetëm pas orës 11:00. Mësohet se tashmë qendrat e votimit kanë nisur të tërheqin materialet, si fletë votimi, kuti dhe vula nga KZAZ duke u përgatitur për garën e nesërme.

Në Dibër do përballen nesër profesori i Ekonomisë Sherfedin Shehu dhe mjeku Muharrem Rama. Njëri prej tyre do të zërë vendin e ish-kryebashkiakut të majtë Shukri Xhelili i shkarkuar nga kjo detyrë pas publikimit të një skandali seksual, ku i kërkonte seks në këmbim të një vendi më të mirë pune vartëses së tij në bashki.