Edi Paloka, drejtues politik i PD-së në Durrës

Nënkryetari i PD-së, Edi Paloka do të jetë në krye të fushatës së Partisë Demokratikë në qarkun e Durrësit. Paloka pritet të jetë edhe i pari i listës në qarkun bregdetar, ku ka një sërë problematikash.

Më herët janë caktuar drejtuesit politik në Shkodër, Helidon Bushati, në Fier, Enkelejd Alibeaj dhe në Vlorë, Bujar Leskaj.

Në 8 qarqe të tjera të vendit ende nuk janë bërë të ditur emrat e të deleguarve politikë të Partisë Demokratike, që do udhëheqin dhe fushatën zgjedhore për në 25 prill.