Edi Rama ikën në Itali me Dakon

PD dhe LSI kishin paralajmëruar dje se, sot, nuk do të lejonin futjen e kryeministrit Rama në sallën e Kuvendit, pasi Byroja e Kuvendit nuk e dënoi kryeministrin për fjalorin fyes kur tha se “popullit nuk i ngrihet….”, ndaj dënimin për shkeljen e Rregullores së Kuvendit, do ta bënin vetë deputetët e opozitës. Do të bënin bllok në hyrje të seancës si dhe në karriket e qeverisë, duke mos lejuar uljen në karriken e kryeministrit, të Edi Ramës. Kjo do të sillte sot konflikt fizik në parlament, ndaj Gramoz Ruçi, si njeri me thinja dhe profesor i vjetër i politikës, i ka sugjeruar kryeministrit të sajojë ndonjë vizitë jashtë që të justifikohet mos prezenca e kryeministrit në Kuvend dhe që të mos precipitojë keq situata mes deputetëve.

Edi Rama, ka thirrur Vangjush Dakon, kryebashkiakun e Durrësit dhe i ka kërkuar dje në drekë një vizitë urgjente në ndonjë bashki të Italisë.

-Fola me ata të Ferrarës, zoti Kryeministër!- i ka shpjeguar Dako në telefon- Po na presin, hajde të nisemi urgjent.

-Ore nuk të kërkova garë në Formula Uno qe me thua Ferrari, ore Gjush! Por një qytet që të ikim sonte e të dalim në ERTV.

-Po pra në Ferrara, Edi. Eshtë qytezë, por na presin!- foli Gjushi si gjithmonë që e ka 12 sahatin.

Dhe vrapuan dje për në aeroport.

-Hajde dhe ti Niko,- i thotë ministrit të bujqësisë, kryeministri dhe as nuk e lë të shpjegohet.

-Po unë jam me atlete dhe rroba sportive tani…- po shpjegohej Peleshi.

-Hjade ore nisu, lëri këpucët se ti blejë unë në Ferrara- i bërtiti Gjushi, ministrit.

Në darkë dolën live në ERTV nga Italia në një zonë të Emilia Romania.

-Bravo!- u telefonoi Gramoz Ruçi-Ikët si trima italianë! Nuk ka kush iu akuzon se nuk qëndruat ballë për ballë me opozitën. Atje rrini ca ditë.

-Po zoti Ruçi, i mbajë unë një javë këtu në Emilia Romania- bërtiste dhe kënaqej Gjushi nga ana tjetër e telefonit.

-Po ç’doni në Rumani ore?!- pyeti Ruçi.

-Jojo, Emilia Romania është në Itali.

Dhe me kaq u qetësua edhe vetë Lulzim Basha kur pa ERTV. Nuk do të kishte përballje me kryeministrin. Edhe Luli ra në qetësi dhe tha me vete “shpëtova”.