Edi Rama në varrezat katolike të Shkodrës: Këtu nisi historia e ndryshimit të madh!

 

 

Në 25 vjetorin e meshës së parë katolike, pas rënies së diktaturës, kryeministri Edi Rama tha së nga këto varreza nisi ndryshimi i madh i historisë së Shqipërisë. Dom Simon Jubani ka qenë pararendës i këtij ndryshimi, tha kreu i qeverisë, që përmendi se kishte qenë vetë i pranishëm në këtë meshë, 25 vite më parë.

 

“Historia mund të shkruhet gjithsesi dhe sidoqoftë mbi historinë, ata të cilët e jetojnë kanë këndvështrime të ndryshme, por unë hyj ndër ato që besoj se historia e madhe e ndryshimit në Shqipëri filloi atë dite, këtu dhe pararendësi I parë I saj, ishte Dom Simon Jubani. Në imazhe dhe në simbole që janë ekonomia e fjalëve të pathëna e të pashqiptueshme për nga forca që mbartin, ç’ka ndodhi ne fund të vitit 1990, në nëntor këtu, nuk mund të ndodhte në asnjë vend, përveçse këtu.”