Edi Rama: Vangjush Dako është miku im dhe se DASH nuk më përcakton dot miqësitë e mija!

Në emisionin “Opinion” te Blendi Fevziu kryeministri Rama përveç përplasjeve me gazetarët në studio e akuzave të tyre se PS-ja ka lidhje me persona të inkriminuar, ai u shfajësua edhe nga pyetja e drejtuesit të emisionit se pse bashkëpunon dhe mban afër persona që Departamenti i Shtetit Amerikan (DASH) i ka dënuar duke mos i lejuar të hyjnë në SHBA.

Ndër të tjera kryeministri Rama tha se ai ndjehet i nderuar se ka patur, ka e do të ketë mik Vangjush Dakon. Dhe kur Fevziu i theksoi se ai ka akuza të rënda nga DASH, prapë kryeministri insistoi duke e mbrojtur ish-kryebashkiakun, bile shtoi se nuk pyes DASH për miqësitë e mija!

Po kështu e akuzuan në studio se po shkel Kushtetutën dhe ligjet. Kryeministri nuk pranoi asnjë akuzë.