Erjon Braçe kritika qeverisë: Sqaroni biznesin për taksën. Shkoni në çdo dyqan

Kryetari i Komisionit Parlamentar të Ekonomisë, Erion Braçe ka folur lidhur me mungesën e komunikimit të qeverisë për TVSH-në e biznesit të vogël. Sipas deputetit socialist, qeveria ka një mungesë komunikimi edhe për rastin e pragut prej 2 milionësh për biznesin e vogël, gjë të cilën ai tha se ia ka thënë edhe kryeministrit Rama.

“Mungon komunikimi i qeverisë për TVSH-së së biznesit të vogël ashtu siç ishte me tarifën. Qeveria duhet të kishte shkuar me letër në dorë dyqan më dyqan e tu shpjegonte se çfarë do të ndodhte. Kjo skemë synon kapjen e biznesit të madhe e jo dëmtimin e të voglit. Shumica e bizneseve të vogla nuk do të përfshihen në skemë”,- tha Braçe.

Braçe u shpreh se janë 10 mijë biznese të vogla, të krijuara nga këto të mëdhenjtë për të mënjanuar TVSH-në të cilat do të përfshihen në skemë. Braçe u shpreh se, “80% e atyre që sot morën pjesë në protestë nuk do të përfshihen në skemë”.