Felaj: Ligji për shpifjen? S’është fare në kalendarin e Kuvendit

Ministrja e Shtetit për çështjet e Parlamentit, Ermonela Felaj, ka deklaruar sot në seancë plenare se projektligji për shpifjen nuk është përfshirë në kalendarin e Kuvendit dhe se nuk është shkelur aspak procedura parlamentare.

Teksa ka sqaruar më tej se drafti në fjalë nuk ka të bëjë me median apo gazetarët, por vetëm me deklaratat e zyrtarëve dhe politikanëve.

“Ne do ta tërheqim nismën për të saktësuar nismën në mënyrë të mos ndodhë ky diskutim. Një gjë të jetë e qartë: politikanët duhet të jenë korrekt dhe kanë detyrimin të shprehin të vërtetën. Do ketë riformulim të nenit. Nuk ka të bëjë me median”, deklaroi Ermonela Felaj. 

Sipas saj, qëllimi i nenit është të vendosë një marrëdhënie të re me të vërtertën, si detyrim për të gjithë.

"Askush nuk është dakord me atë që ndodh në Kuvendin e Shqipërisë me atë që ndodh. Të zgjedhurit, funksionarët e lartë shtetërorë kanë detyrimin që të thonë të vërtetën”, tha ajo.