Luiza Gega është pritur me një ceremoni të organizuar përpara Kryeministrisë.
Në këtë ceremoni gjatë fjalës së tij, kreu i KOKSH-it, Fidel Ylli, tha se sportistët janë ambasadorët më të mirë të vendit dhe i bëri një thirrje kryeministrit Edi Rama të hapen kompanitë e basteve sportive për të ndihmuar sportin.
“Kryeministri ka vendosur një standard që kampionë të tillë duhet të mirëpriten gjithmonë në këtë mënyrë. Zoti kryeministër kemi nisur një rrugë të përbashkët duke bërë ligje të mira në parlament. Sportistët shqiptarë nuk marrin më rrugën e emigrimit për flamuj të tjerë. Luiza është anëtare e Forcave të Armatosura, duhet ta falënderojmë ministrin Peleshi për ndihmën. Ne nuk kërkojmë lëmoshë, ne qeverinë e duam partner. Këto ditë kam parë mediokritete të ndryshme. Jemi një nga tre vendet në botë që kemi shpërblimet elitare”.
Por në fund Fideli Ylli tha:“Nxirri nga errësira kompanitë e basteve që po gëlojnë”.