”Foltorja” në Durrës, Berisha: PD dështoi në çdo nismë. Rama është kthyer në sherrin e Ballkanit

Ka nisur në Durrës takimi i liderit historik, Sali Berisha me demokratët në kuadër të turit ”Foltorja për një PD më të fortë”. Salla është e tejmbushur dhe jashtë saj janë me qindra mbështetës që kanë ardhur për Berishën.

Ish-kryeministri e nisi takimin me 1 minutë heshtje për Saimir Hoxhën, nënkomisari i shpallur ”Dëshmor i Atdheut”. Deputetët e PD-së: Oerd Bylykbashi, Flamur Noka dhe Edi Paloka janë pjesë e takimit.

Berisha u shpreh se PD-ja dhe opozita në këto vite ka dështuar në çdo nismë të marrë. Po ashtu ish-kryeministri theksoi se Edi Rama është kthyer në sherrin e Ballkanit.

Ky është takimi i katërt që mban Berisha, pas përjashtimit të tij nga grupi parlamentar i PD-së me vendim personal të kryedemokratit Lulzim Basha.