Harta e familjeve politiko-mafioze, sipas PD (FOTO)

Zbulohet simbolika e dytë e protestës së opozitës së bashkuar në qendër të Tiranës. Kjo simbolikë u shfaq në orën 10.00 në mes të Bulevardit, në vijë të drejtë me renë e Galerisë së Arteve.

Bëhet fjalë për një hartë e cila shpalos sipas të rinjve shpërndarjen e familjeve politike të lidhura me trafikun e drogës në rang vendi. Të rinjtë sjellin simbolin e dytë të protestës kundër qeverisë që mbështet trafikun e drogës.

Më herët, u shfaq edhe simbolika e parë në sheshin “Skënderbej” me portretin e Edi Ramës,  si statuja e Drejtësisë, që simbolizon kapjen politike të drejtësisë për t’i shërbyer krimit dhe korrupsionit.

Statujën e Drejtësisë 3 metra të lartë e mbajnë 10 të rinj të maskuar si Edi Rama, Fatmir Xhafaj, Saimir Tahiri, Agron Xhafaj, Moisiu Habilaj për të treguar se Drejtësia është vënë në shërbim të trafikut të drogës, krimit të organizuar dhe qeverisë së lidhur me të.