FOTO/ Panairi i punës, Rama: Puna s’ju vjen në shtëpi

Sot është Dita Ndërkombëtare e Punëtorëve, dhe Kryeministri Edi Rama ishte i pranishëm në panairin e punës që është hapur në sheshin “Skënderbej”. Kreu i qeverisë u shpreh se punë nuk duhet kërkuar vetëm në shtet. “Ajo nuk ju vjen në shtëpi”, tha Kryeministri.

Çelja e vendeve të reja të punës është reale, tha Rama dhe sipas tij këtë e konfirmojnë kompanitë.

”Në të gjitha ndërmarrjet e Shqipërisë ka vende punë, por duhet të kuptohet se puna nuk është vetëm punë shteti dhe puna nuk të vjen në shtëpi. Duhet të funksionojmë si një forcë e madhe lëvizëse që të shtyn drejt sektorit privat. Që ekonomia të rritet duhet të punojmë të gjithë së bashku. Këtu nga të gjitha kompanitë. Rritja e mundësive për punë është reale”, u shpreh Kryeministri.