Gazment Bardhi: Sa më shumë qytetarë i bashkohen protestës, aq më shumë humbet durimin Edi Rama

Gazment Bardhi, Kryetar i Grupit Parlamentar dhe Nënkryetar i Partisë Demokratike të Shqipërisë, përmes një publikimi në mediat sociale, duke u solidarizuar me protestën e ditën e 14-të saj, në publikimin e tij është shprehur:
Sa më shumë qytetarë i bashkohen protestës, aq më shumë humbet durimin Edi Rama. Nga një kalbësirë korrupsioni si ai nuk pritet asgjë më shumë se fyerja e protestuesve që e refuzojnë si kryeministër.

Fashist është ai që nuk pranon se qytetarët mendojnë ndryshe dhe shpik armiq të huaj pas çdo proteste.
Hajvan është ai që kërkon organizatorë protestash në Teheran, ndërsa bashkëpunon me trafikantë ndërkombëtarë droge për pastrimin e parave në ndërtim dhe në hotelet turistike.
Protesta është e vetmja dritë që ndriçon në këtë vend, të cilin Edi Rama e ka zhytur në korrupsionin më shkatërrues të 35 viteve të fundit.
Prandaj, Edi Rama, më mirë shikohu në pasqyrë. Edhe hajvani që do të shohësh përballë, e kupton që është momenti të largohesh