Gjiknuri: Listat i hapëm 100 %. Nëse opozita nuk bie dakord do e kalojmë vetëm në Kuvend

Ka përfunduar pa konsensu mbledhja e Këshillit Politik. Deputeti i PS-së, Damian Gjiknuri tha se mazhoranca është në pritje të propozimit të opozitës për hapjen e listave. Ai deklaroi se nëse PD dhe LSI nuk japin qëndrimet e tyre për hapjen e listave, drafti i PS do të kalojë në Parlament.

“Këshilli Politik u ngrit për opozitën, nëse ata nuk duan ne kemi parlamentin. Nuk lejojmë të na mbajnë peng me anë të Këshillit Politik”, deklaroi Gjiknuri.

I pyetur nëse hapja e listave që propozon PS është modeli më i mirë, Gjiknuri tha se “listat hapen 100 % dhe kjo është arritje e madhe”. Ndërkohë që modeli PS nuk hap listat e kandidatëve për deputetë, por i vendos ato në kontroll të plotë të kreut të partisë.