Hajdarmataj: Një blackout transparence në Komisionit e Veprimtarisë

Deputetja e PD-së Mimoza Hajdarmataj dhe njëkohësisht anëtare në komisionin e Veprimtarisë Prodhuese në parlament, ka reaguar sot me një postim në facebook, ku akuzon kolegët e saj të PS-së që janë dhe anëtarë në këtë komision, se kanë shkelur parimet dhe ata kanë përfituar nga mungesa e qëllimshme e medias. Deputetja ka përmendur se mbledhja e ditës së sotme është zhvilluar me dyer të mbyllura dhe pa praninë e mediave.
Deputetja është shprehur se: Një debat i fortë ka ndodhur ditën e sotme mes deputetëve të opozitës dhe kolegëve të mazhorancës për procedurat e tenderëve në përgjithësi dhe të atyre të IT-së në veçanti. Gjatë seancës dëgjimore me drejtoreshën e AKSH-t, në Komisionin e Veprimtarive Prodhuese dhe për shkak të mungesës së qëllimshme të medias në këtë seancë.
Në status ajo ka përmendur dhe disa pyetje që ka mbi Komisionin e që mesa duket ajo si anëtare nuk i ka marrë përgjigjet. Ajo hedh idenë se nëse INSTAT, ka të dhëna mbi të ardhurat e ulëta për banorë në vendin tonë. Deputetja shton më tej se në lidhje me shërbimet online, e që hedh idenë se ka familje që nuk kanë mundësi për ti siguruar fëmijëve ushqimin ditore e jo më të kenë akses në internet.
"Asnjë transparencë nuk ka në lidhje me kostimet, specifikimet teknike dhe për më tepër kompanitë përfituese të këtyre tenderëve, të cilat në shumicën e rasteve dhe "rastësisht" qëllojnë të jenë të lidhur apo miq të Ministrave. Meqenëse nesër në seancë kemi diskutime në lidhje me buxhetin faktik të 2014, si ka ndryshuar buxheti i AKSHI  ndër vite? Dihet që infrastruktura e teknologjisë së informacionit dhe komunikimit është shtylla e shoqërisë së informacionit dhe në kuptimin e saj të gjerë, ajo përfshin informacionin, komunikimin por edhe telekomunikacionin me tela, pa tela, me satelit, me rrjete kompjuterike etj. Operatorët e sotëm në treg dhe të licencuar nga AKEP janë të njohur, qoftë ato mobile, fix apo ISP. A keni informacion apo dijeni për kompaninë “fantazmë” INFOTELEKOM, e cila sipas të dhënave të bëra publike nga mediat ka një xhiro vjetore prej 145 milion €?"-përfundon analizën e saj, me qëndrimet dhe pyetjet mbi këtë komisionin parlamentar ku vetë deputetja është dhe anëtare.

R.Shtylla