I akuzuar nga opozita për grabitje pronash, Alket Hyseni shfaqet i tensionuar te “Ligjet”

Komisioni i Ligjeve është përfshirë nga debate të ashpra mes deputetit të LSI-së, Nasip Naço dhe socialistit Alket Hyseni, i akuzar nga opozita lidhur me tjetërsimin e pronave në Sarandë.

Ka nisur mbledhja e Komisionit për Çështjet Ligjore, Administratën Publike dhe të Drejtat e Njeriut. Në sallën ku miratohen procesverbalet, diskutohet dhe vendoset mbi projektligje të rëndësishme, momentalisht mbizotëron mazhoranca.

Në Komision është vënë re mungesa e deputetëve të PD, ndërsa ato të LSI kanë qënë pjesëmarrës.

Aktualisht po zhvillohet një seancë dëgjimore me zv/kryeministren Senida Mesi dhe të ftuar nga Departamenti i Adminsitratës Publike, ku po shqyrtohet Raporti Vjetor i veprimtarise se Administrates Publike për vitin 2017.

Në Komision ka pasur debat, Alket Hyseni përplaset me të vetmin opozitar në sallë, Nasip Naçon. Është diskutuar për raportin e DAP-it, Naço pyet për policinë gri që Rama përmendte në fushatë dhe se çfarë u bë me të, ndërsa Hyseni i ka cilësuar pyetjet e Naços si katunare dhe replikat mes tyre kanë vazhduar.

Perplasja Naço-Hyseni

Komisioni i Ligjeve është përfshirë nga debate të ashpra mes deputetit të LSI-së, Nasip Naço dhe socialistit Alket Hyseni.

Debati ka nisur pas pyetjeve që ish-ministri i Drejtësisë Naço po i drejtonte në Komision drejtoreshës së DAP-it lidhur me procedurat e punësimit në administratë.

Në këtë moment, Hysenaj i është kthyer Naços me fjalët: “Këto pyetje i bëra unë dhe drejtoresha i dha përgjigje”.

Më pas debati ka vijuar, dhe Hyseni e ka quajtur ish-ministrin e Drejtësisë ‘katunar’. Deputeti socialist Alket Hyseni është denoncuar në javët e fundit lidhur me grabitjen e tokave jo vetëm në Dhërmi, dhe me sa duket këto akuza i kanë e bërë Hysenin të shfaqet nervoz në daljet e tij publike.

Replikat e plota:

Alket Hyseni: Tani erdhen kamerat dhe do me u bë lajm.

Nasip Naco: Çfarë punë ke ti për pyetjet e mia?

Alket Hyseni: Mos u sill si katunar komplet. Po përdor gjuhë ordinere. Katunar komplet!

Nasip Naco: Ç’ke mo? Kujdes kur flet me mua!

Alket Hyseni: Po mos fol pra si katunar…

Nasip Naco: E di që je i mërzitur.. Por s’ta zgjidh unë problemin.

Foto nga punimet e sotme të Komisionit të Ligjeve, në seancë dëgjimore zvkryeministrja Senida Mesi

Mbledhja e sotme ka këtë rend dite: Miratimi i procesverbaleve të mbledhjeve të komisionit në datat 27 dhe 28 mars 2018.

Miratimi i kalendarit të ri të punimeve të komisionit për periudhën 09 – 27 prill 2018.
Shqyrtimi i raportit vjetor të veprimtarisë së Departamentit të Administratës Publike për vitin 2017.

Miratimi i raportit të komisionit mbi vlerësimin e veprimtarisë së kryer nga Agjencia e Trajtimit të Pronave për vitin 2017.

Momentalisht po bëhet vetëm shqyrtimi i raportit vjetor të veprimtarise se Administrates Publike për vitin 2017.

Shqyrtimi i projektligjit për ratifikimin e marrëveshjeve të Republikës së Shqipërisë, të Republikës së Italisë dhe Komisionit Europian për programin VB 2014-2020.