Idrizi: PDIU do votojë kundër burgosjes së biznesit

PDIU-ja nuk do ka për t’i votuar ndryshimet në Kodin Penal, të cilat parashikojnë masa drastike për biznesin, deri në burgosjen e tij.

Një fakt të tillë e bëri me dije vetë kreu i kësaj partie, Shpëtim Idrizi, gjatë një prononcimi për median pas takimit që zhvilloi sot me kryetarin e LSI-së, Ilir Meta.

Duke shtuar edhe faktin se PDIU do të kërkojë që paketës së dekriminalizimit t’i shtohet dhe dekomunistizimi.

“Jemi kundër burgosjes së biznesit,është një akt i paprecedent. Ndryshimet në Kodin Penal që kanë të bëjnë me burgosjen e biznesit nuk do të votohen nga PDIU-ja. Do kërkojmë që pjesë e paketës së  dekriminalizimit t’i bashkohet dekomunistizimi”, tha konkretisht Idrizi.