Karantina për qytetarët që hyjnë në Shqipëri, Silva Caka: Vendim politik i Ramës

Vendimi i Komitetit Teknik i Ekspertëve, për të vendosur karantinë për qytetarët që hyjnë nga Maqedonia e Veriut dhe Greqia, për kandidaten e Lëvizjes Socialiste për Integrim, Silvi Caka është tërësisht politik. Caka thotë se pjesa më e madhe e Komitetit Teknik të Ekspertëve janë pjesë e strukturave të PS-së dhe e morën këtë vendim për të penguar shqiptarët të shprehin me votë urrejtjen e tyre kundër Rilindjes së Edi Ramës.

“Sigurisht që është e qëllimshme. Sepse ne kemi parë raste kur qytetarët kanë ardhur në Shqipëri, e kanë respektuar dhe karantinën, kur ishte situata shumë më e nderë se kaq. Nëse ditën e zgjedhjeve respektohen të gjitha masat e një pandemie, unë nuk shoh asnjë rrezik. Të mos harrojmë dhe diçka.

Të gjithë qytetarët kur vijnë nga jashtë i nënshtrohen një tamponi dhe nëse ai nuk del pozitiv për çfarë duhet t’i karantinojmë për 14 ditë, për t’iu penguar të drejtën e votës?

Të gjithë ekspertët e Komitetit Teknik janë pjesë e strukturave të Partisë Socialiste. 1 prej tyre është kryetar organizate, flas për zv/ministren Mira Rakacolli, Areti Beruka është gjithashtu pjesë e strukturave të PS, çfarë prisni për një vendim teknik. Ky është një vendim politik. Ky vendim u ankimua në Gjykatën Administrative nga LSI”, tha Silva Caka për A2.