Kënde lojërash për fëmijë i shtohen çdo ditë Tiranës. Erion Veliaj: Më shumë gjallëri në lagjet e qytetit

Një tjetër kënd lojërash i shtohet kryeqytetit. Bashkia e Tiranës ka ndërtuar një kënd të ri lojërash me module të ndryshme në njësinë administrative nr.4.

“MIRËMËNGJESI nga Njësia nr. 4! Tashmë me një super hapësirë rekreative – kënd të ri lojërash për fëmijët e stola për prindërit e gjyshërit!
Më shumë gjallëri në lagjet e qytetit”, shkruan Veliaj.

Prej 6 vitesh Bashkia e Tiranës ka nisur projektin e ndërtimit të këndeve të lojërave dhe të hapësirave çlodhëse në çdo lagje të kryeqytetit. Çdo muaj, në kryeqytet është shtuar një kënd i ri lojërash, ndërkohë që paralelisht ka vijuar punën dhe për terrenet sportive si dhe për projektin e bibliotekave të lagjeve.