Këshilli i PD-së, tre ”ish” mungesat e mëdha

Nisi me tri mungesa të mëdha, mbledhja e Këshillit Kombëtar të Partisë Demokratike. Tre “ish” nuk u paraqitën në takimin e thërritur për të diskutuar paketën e ndryshimeve statutore.

Bëhet fjalë për ish-kryeministrin dhe ish-kryetarin e Partisë Demokratike, Sali Berisha, ish-Presidentin Bujar Nishani dhe ish-kryetarin e ish-rivalin e Bashës në zgjedhjet e brendshme të PD-së në korrik të vitit të kaluar, Eduard Selami.

Zëri kritik në këtë mbledhje nuk mungoi. Arben Imami kërkoi të diskutohet fillimisht raporti i analizës së zgjedhjeve të 2017. Propozimi i tij u hodh në votim dhe u rrëzua me shumicë votash. Imami propozoi gjithashtu edhe diskutimin fillimisht në parim të statutit të ri, por edhe ky propozim i tij u rrëzua. Pak pas kësaj, ai doli para mediave.

”Kjo është një mbledhje formale pasi në statuin e ri mungon një refllektim thelbësor, nuk shëhohet dhe nuk shprehet dorëheqja në rast të humbjes së zgjedhjeve dhe kjo përkthehet në mandat të përjetshëm të Lulzim Bashës”, tha ai.