Këshilltari i Ramës, Fuga: Basha të na thotë cili politikan është i lidhur me drogën?

Fotoja e publikuar në rrjetet sociale, ku kreu i PD-së, Lulzim Basha shfaqet në vitin 2012, me një person që nga dje rezulton i është shpallur në kërkim për trafik droge ka sjellë reagime të forta nga PS.

Endri Fuga, Këshilltari i Kryeministrit Edi Rama, shkruan në Twitter se tani kreu i PD-së duhet të na thotë se cili politikan është lidhur me trafikun e drogës.

Më herët, Ministri i Punëve të Brendshme, Saimir Tahiri ju kundërpërgjigjur akuzave të Partisë Demokratike për drogën, duke publikuar tw njëjtën foto. Nw njw postim nw Facebook, Tahiri tha se personi përkrah Bashës është 50-vjeçari me inicialet Arben Xibri, pronari i firmës ku u kapën 130 kg kanabis sativa, të fshehura në një kamionçinë në Portin e Durrësit, e cila kishte denstinacion Italinë.

Po tani a mund te na thote @lulzimbasha_al se cili politikan eshte i lidhur me trafikun e droges? https://t.co/ZxTN706hCQ

— Endri Fuga (@endrifuga) September 24, 2016