Kryeministri belg në Tiranë, flet për BE-në dhe krimin

Pas vizitës së Sekretarit të Shtetit për Azilin dhe Emigracionin, në Tiranë ka ardhur kryeministri belg, Charles Michel. Agjenda e kryeministrit belg përfshin takimin me Presidentin Ilir Meta dhe kryeministrin Rama.

Udhëtimi zhvillohet në një kohë kur sipas tij, Europa ballafaqohet me zgjedhje të rëndësishme, ku marrëdhëniet me Ballkanin kërkojnë gjithashtu zgjidhje.

”Të dy vendet përballen me një sërë sfidash, duke përfshirë sundimin e ligjit, sigurinë dhe stabilitetin gjeopolitik. Përveç situatës në kufirin lindor të Europës dhe situatën në Europën Jugore, Ballkani Perëndimor është një problem i madh në marrëdhëniet me Rusinë, e cila dëshiron të zgjerojë ndikimin e saj në rajon”, ka thënë ai para nisjes së udhëtimit.