Kryeministri Edi Rama ka komentuar protestat e zhvilluara para Bashkisë Tiranë.
Ai i quan ata një grusht njerëzish që zënë rrugën dhe pengojnë qytetarët.
“Çfarë t’ju them? Ke shumë të drejtë, por është bërë pak si modë këtu, del një grusht njerëzish, zënë rrugën dhe pastaj të tjerët duhet të presin që ata të shpërndahen. Çfarë t’i bëjmë tani, jua thashë janë bërë si hudhra atje te Bashkia e Tiranës, bëjnë punën e hudhrës, që mos të marrin më sysh, nuk di ç’të them tjetër. Njerëz që merren me muret, bien mureve i bien karrigeve, i bien tavolinave, çfarë opozitë është kjo? Nuk ka lidhje me opozitën, nuk ka lodhje me dite, nuk ka lidhje me të ardhmen, nuk ka lidhje me alternativat”, tha Rama.