Kryetari Beci prezanton projektin e ri për portën hyrëse të Shkodrës

Kryetari i Bashkisë së Shkodrës, Benet Beci, ka bërë të ditur një projekt të ri transformues për portën hyrëse të qytetit, i cili synon të rikthejë Shkodrën në gjurmët e saj historike si një kryeqendër e rajonit.

Në një takim me Arqipeshkvin e Shkodrës, Imzot Giovanni Peragine, dhe Rektorin e Bazilikës “Zoja e Këshillit të Mirë”, Dom Artur Jaku, u diskutuan detajet e këtij projekti, i cili përfshin kalanë e Shkodrës dhe zonën pranë Kishës së Zojës, një vend me rëndësi të madhe për besimtarët dhe pelegrinët nga e gjithë Shqipëria.

Në këtë proces është përfshirë edhe arkitekti Jesús Hernández, i cili po punon për të harmonizuar elementet historike dhe moderne, duke e kthyer këtë zonë në një pikë të rëndësishme referimi për qytetin.

Postimi i plotë: 

Me Arqipeshkëvin e Shkodrës, Imzot Giovanni Peragine, dhe Rektorin e Bazilikës “Zoja e Këshillit të mirë”, Dom Artur Jaku, diskutuam për një projekt të ri, i cili është porta hyrëse e qytetit.
Së bashku me arkitektin Jesús Hernández diskutuam mbi detajet e këtij projekti, që përfshin kalanë e Shkodrës dhe zonën pranë Kishës së Zojës, një vend lutjeje dhe pelegrinazhi për mijëra besimtarë, jo vetëm nga Shkodra, por nga e gjithë Shqipëria.
Me këto projekte të reja transformuese kjo zonë jo vetëm do të kthehet në një pikë referimi, por do ta rikthejë qytetin në gjurmët e tij historike si kryeqendër e rajonit.