Ky Gent Cakaj është i paparë!

Zv/ministri jashtëm si ministër në detyrë, Gent Cakaj, mbetet i padëgjuar në historinë e diplomacisë shqiptare. Duke qenë kaq i ditur dhe i lexuar, siç na ka thënë kryeministri Rama, ky si ministër jo vetëm kur flet bën gafa, por edhe kur shkruan. Nëse duke folur njeriu edhe mund të gabojë, porse kur ulet e shkruan diçka e risheh derisa t’ja kalojë publikut. Lexoni se ç’shkruan sot:

‘Studentët dhe ekspertët ekselent për një shërbim konsullor dhe diplomatik ekselent: Shqipëria do të bëhet me shërbime konsullore dhe diplomatike të dalluara pikërisht nëpërmes përfaqësimit nga më të dalluarit e saj’, na tregon gjenialitetin e tij Cakaj, ‘nëpërmes’ një postimi në Twitter.

A ka gjuhëtar që ia përkthen këtë shqipe?!

Zoti President Meta! Ky Gent Cakaj duhet dekoruar, ka bagazh të madh kulturor, aqsa asnjeri nuk ia merr vesh se çka don të thotë.