Edi Rama çdo lëvizje e llogarit mirë, nuk heq njeri nga inati apo nxitimi. Sot ai bëri dy lëvizje surprizë, të cilat asnjë nuk i hamendësonte. Ndërsa Elisa Spiropali nuk ishte surprizë, ajo ishte ministre aktive dhe e gjithëpranuar nga komuniteti në PS.
Por largimi i papritur i Taulant Ballës nga ministër i Brendshëm dhe kalimi i tij në ministri shteti, ishte befasi. As edhe një vit nuk mbushi si ministër i brendshëm. Edhe për Taulant Ballën ishte e papritur, të cilin e kapi kamera të habitur dhe të zbehtë sapo kryeministri përmendi emrin e tij.
Kjo duket si “rrufe në mot me diell”!
Me sa duket kryeministri duhet të ketë informacione të rezervuara me shumë se sa vetë ka Taulant Balla si ministër i brendshëm!
Edhe Niko Peleshi ishte një befasi, ndonëse ai e priste një ditë “sëpatën” e kryeministrit.