LSI i përgjigjet Bardhit, Braimllari: Duhet të jesh para drejtësisë për vrasjen në Elbasan

Sekretari i Përgjithshëm i PD-së, Gazment Bardhi ka akuzuar zonjën Monika Kryemadhi se gjatë fushatës zgjedhore nuk u duk asnjëherë në Elbasan për shkak se kandidonte në 3 qarqe.

Sekretari i Përgjithshëm i SLI-së, Endrit Braimllari i ftuar në studion e Ora News me gazetarin Everest Dedaj i është përgjigjur deklaratave të Bardhit.

Braimllari: Unë e kuptoj sikletin që ka Bardhi sepse ai ka mbi supe një ngjarje shumë të rëndë në Elbasan. Është humbja e jetës së një qytetari dhe sot ai duhet të ishte para drejtësisë për këtë çështje, duhet të kishte lënë mandatin e deputetit. Është pikërisht kjo ngjarje e rëndë ku humbi jetën një qytetar e cila shkatërroi fushatën e opozitës. Demotivoi votuesit, frikësoi votuesit në qarkun e Elbasanit, por dhe në gjithë Shqipërinë.