Mali i Zi, Partia e Gjukanoviç shpall fitoren

Partia Demokratike e Socialistëve ka shpallur fitoren në zgjedhjet e sotme presidenciale në Mal të Zi.

Deputeti i kësaj partie, Milos Nikoliç tha se bazuar në 80 për qind të votave të numëruara, Milo Gjukanoviç kryeson me mbi 54 për qind të votave. Sipas tij, Gjukanoviç korri një fitore historike duke qenë ‘i vetëm kundër të gjithëve’. Ndërkohë mbështetësit e kësaj partie kanë nisur festën.

“Urime mikut tim të vjetër, Millo Gjukanoviq për fitoren e tij në Mal të Zi. Kjo është një fitore për Malin e Zi, por edhe për gjithë rajonin që aspiron integrimin në NATO dhe BE”, ka shkruar Thaçi në Twitter. Nëpërmjet një shkrimi në llogarinë e tij në Facebook, Haradinaj shprehu gatishmërinë për vazhdim të bashkëpunimit në mes të dy vendeve.

“Urime qytetarëve të Malit të Zi për zgjedhjet e lira e demokratike presidenciale. Poashtu, i uroj fitoren presidentit të zgjedhur, Milo Gjukanoviq”, thotë Haradinaj.

“Qeveria e Republikës së Kosovës shpreh gatishmërinë për bashkëpunimin dhe avancimin e marrëdhënieve të mira me Republikën e Malit të Zi edhe në të ardhmen, në të mirë të të dy popujve tanë, për përspektivën euro-atlantike!”, thuhet ai.

Gjukanoviq shpalli fitoren. Kur janë numëruar mbi 90 për qind të votave, ai prin me mbi 54 për qind.