Manjani betohet sot para Presidentit si ministër Drejtësie

Ministri i ri i Drejtësisë, Ylli Manjani, do të betohet sot në orën 16:30 para Presidentit të Republikës, Bujar Nishani.

Betimi para Presidentit vjen një ditë pasi Parlamenti e miratoi atë si ministër.

Ylli manjani u votua me 81 vota pro, 27 vota kundër dhe asnjë abstenim, ku votat kundër ishin të opozitës. 

Manjani zëvendëson në këtë post Nasip Naçon, i dorëhequr pak ditë më parë.

Ai është përfaqësues i Lëvizjes Socialiste për Integrim, pjesë e koalicionit të majtë qeverisës.