Manjani: Krimet të vënë në akuzë Ministren Gjonaj dhe Markun

Pasi ish-ministri i Brendshëm, Saimir Tahiri dorëzoi mandatin e deputetit, hetimet duket të zgjerohet edhe për ekstradimin e Nezar Seitit, i njohur si financieri i grupit Habilaj.

Me këtë thirrje, ish-ministri i Drejtësisë, Ylli Manjani, i drejtohet Krimeve të Rënda, përmes një postimi në facebook që të vendosë në akuzë Ministren e Drejtësisë dhe Kryeprokuroren e Përkohshme.

”Tani Prokuroria e Krimeve të Rënda duhet të vendosë në akuzë zyrtarët përgjegjës të ekstradimit skandaloz, haptazi të paligjshëm të Nezar Seitit. Nuk ka pse të “kursejë” as Ministren e Drejtësisë e as Prokuroren e Përgjithshme të përkohshme”,-shkruan Manjani.

Siç Manjanit, vendi sot ka nevojë që shkelësit të shkojnë në burg. ”Një ditë kjo përgjegjësi do ushtrohet, por Shqipëria ka sot nevojë për të! E ftoj Prokurorinë e Krimeve të Rënda të ngrihet në lartësinë e detyrës dhe të marrë në përgjegjësi penale të gjithë ata që ekstraduan personin kyç, në shkelje të hapur të ligjit”,-shton më tej ish-ministri i Drejtësisë.