Është mbledhur Grupi Parlamentar i Partisë Socialiste paraditen e sotme.
Kryetarja e Komisionit të Ligjeve, Klotilda Bushka ka sqaruar para Grupit Parlamentar të Partisë Socialiste pozicionin e saj pasi u mor në hetim nga SPAK, ku i pranishëm është edhe kryeministri Edi Rama.
“Institucionet e drejtësisë kanë detyrën të bëjnë luftë pa kompromis kundër korrupsionit. Ky mbetet një qëndrim i pandryshuar, ajo që ndryshon është që ne kemi detyrën të kontribuojmë jo thjeshtë në mbështetjen e padiskutueshme institucionale dhe politike ndaj institucioneve të reja të drejtësisë por edhe me opinionet tona në mënyrë që pavarësia e panegociueshme e prokurorëve dhe gjykatësve, të jetë sa më e lidhur me profesionalizmin.
Në të kundër ne biem në një situatë që ngjan më shumë me të shkuarën sesa më ardhmen. Diktaturë apo republikë hetuesish Shqipëria ka pasur në të shkuarën. Njëra palë shënjestrën me libër shtëpie punonjësit e gjykatës duke filluar nga kreu i SPAK, i cili ka mbështetjen tonë nga e gjithë balta që ka marrë dhe merr familjarisht. Por mungon një palë konstruktive që duhet të jetë edhe garantë e pavarësisë së gjyqësorit por duhet të jetë njëkohësisht edhe garante lirive standardeve demokratike. Për mua është e pakonceptueshme që kryetarja e komisionit të ligjeve pa hyrë fare në meritën e çështjes, pa diskutuar fare a ka apo s’ka të drejtë akuza që e përfshin atë roman thuajse 400 faqësh, e merr vesh nga televizori duke dëgjuar gazetarët special, të cilët disponojnë sekrete hetimore, të cilët disponojnë ushqim që ju vjen nga stacioni trenit për t’u hedhur në pazarin e madh të gjësë së gjallë. Minimalisht Bushka duhej thirrur dhe pyetur.
Por as dje as sot as nesër, sa të jem unë në PS, kjo forcë politike nuk do marrë përsipër të japë pafajësi për dikë që hetohet nga drejtësia, por ama nuk do të heshtë përballë shkeljeve dhe brutalitetit të kujtodqoftë për ushtrimin e forcës së konsoliduar të pavarësisë. Vetëm një idiot mund të thojë që pas kësaj, ne kontrollojmë drejtësinë”,-u shpreh ndër të tjera Rama.