Me 100 % të pushtetit Rama shkatërroi gjithçka. Tani kërkon vetëm 51 % pushtet që të rregullojë Shqipërinë!
Nga Herion Mesi, zv/kryeredaktor i KOHA JONE-
Edi Rama do mbahet mend si politikani që erdhi plotë zhurmë për ndryshime stili qeverisje në vitin 1998. E mori Fatos Nano në fillim dhe e mbështeti fuqishëm Ilir Meta, kur e bëri kryebashkiak në Tiranë. Më pas Rama nuk ndaloi se ngjituri lart në pushtet, duke ngatërruar dynjanë dhe duke synuar kreun e pushtetit në vend.
Duke përdorur batutat, ai u ngjit kaq lart sa nuk e mendoi njeri!
Dhe kur i mori të gjitha; pushtet qendror, pushtet lokal, drejtësinë, insitutucionet kushtetuese, shumicën e ambasadorëve të huaj, bashkëpunoi me krimin, dha tenderime, koncencione, PPP, ndau e sakatoi buxhetin e shtetit për oligarkët; me një fjalë kishte dhe ka akoma gjithçka në dorë dhe nuk bëri asgjë për njerëzit. Nuk rriti mirëqënien, nuk luftoi krimin, nuk rriti pensionet, nuk siguroi që rinia të rrijë e të punojë e jetojë në Shqipëri.
Me pak fjalë me 100 % pushtet dhe nuk bëri gjë. Përkundrazi!
E tani, ai Edi Rama, kërkon vetëm 51 % pushtet që ta ndryshojë vendin!
Kjo është sarkazëm, bile cinizëm, me popullin shqiptar.
Por populli e ka ndarë mendjen që me 25 prill 2021 të ndahet njëherë e mirë nga kjo farë e keqe, nga ky sekt që mori dhe pushtoi krejt PS-në.
Ndaj slogani “është koha për të ikur”, njerëzit shprehen kudo se “është koha për tu zhdukur si Rilindje!”.
