Meta: Voltana Ademi është kryetare e Bashkisë Shkodër, “Venecian” nuk e komentoj

Presidenti Ilir Meta është ndalur mbrëmjen e sotme në Shkodër për të ndjekur ndeshjen Vllaznia-Tirana. Së bashku më të në podium ka qenë dhe kryetarja e Bashkisë së Shkodrës, Voltana Ademi. “Edhe pak minuta për të shijuar derbin Vllaznia-Tirana në basketboll meshkuj, bashkë me Kryetaren e Bashkisë, znj.Voltana Ademi. I lumtur të shoh kaq shumë sportdashës!”,- shkruan kreu i shtetit.

Më herët Në një prononcim për mediat, kreu i shtetit deklaroi se Voltana Ademi është kryetare se Bashkisë së Shkodrës. I pyetur për raportin e Komisionit të Venecias, Presidenti Ilir Meta deklaroi se nuk do të bënte asnjë koment.

Pyetje: Z. Meta Komisioni i Venecias është publikuar ditën e djeshme draft opinionin paraprak për Gjykatën Kushtetuese që ju jep të drejt ju. Si do e komentoni, çfarë do të ndodhë më tej?

Presidenti Meta: Nuk mendoj se kjo është çështje e Venecias sepse Kushtetutën e Shqipërisë Venecia e ka shkruar. Kjo ka qenë dhe mbetet që prej 115 ditësh një çështje e drejtësisë, e hetimit, që të bëjë veprimet e duhura që askush në Shqipëri të mos dalë mbi Kushtetutën dhe mbi ligjin.

Pyetje: Megjithatë foli në favorin tuaj. Është ky një sinjal pozitiv në favorin e kauzës tuaj?

Presidenti Meta: Nuk e komentoj, për arsye mbi dokument ka patur një konfidencialitet, por unë ua kam thënë që më parë që Kushtetutën tonë, sidomos për Gjykatën Kushtetuese e ka shkruar vetë Venecia.

Pyetje: Z. President i latë afat mazhorancës 15 marsin. Deklaruat që do ta shpërndanit parlamentin. Ka pasur gjatë këtyre ditëve reflektim, zëra që mazhoranca po tenton të negociojë në presidencë?

Presidenti Meta: Këtu kemi ardhur të shohim një spektakël të jashtëzakonshëm dhe gëzohem që Vllaznia vazhdon shkëlqen në lojërat me dorë.