Meta zbardh takimin me zyrtarin e lartë të OSBE

Gjatë vizitës në Danimarkë, si i ftuar nderi në mbledhjen e Byrosë së Asamblesë Parlamentare të OSBE-së, Presidenti Ilir Meta ka zhvilluar një takim të veçantë dhe me Sekretarin e Përgjithshëm të OSBE-së, Thomas Greminger.

Në një postim në Facebook, Presidenti jep dhe detaje nga vizita e zhvilluar me drejtuesin e OSBE, ku kriza politike në Shqipëri duket se ka qenë dhe tema kryesore.

“Shumë i lumtur të takoja sot Sekretarin e Përgjithshëm të OSBE-së, z.Thomas Greminger. Bashkëpunimi intensiv dhe koordinimi është vendimtar për Kryesimin e Radhës së OSBE-së nga Shqipëria në vitin 2020. Shqetësim i përbashkët për situatën aktuale politike në Shqipëri??. Zgjidhje realiste dhe efektive sa më parë të jetë e mundur!”, shprehet Presidenti Ilir Meta.