Mogherini-Presidenti Meta: Inkurajim të fortë për reforma të mëtejshme

Përfaqësuesja e Lartë për Punët e Jashtme dhe Politikën e Sigurisë në BE, Federica Mogherini, e cila ndodhet prej mbrëmjes së të martës në Tiranë, nisi paraditen e sotme takimet me krerët e shtetit dhe politikës, ku do t’u dorëzojë progres-raportin.

Takimet e Mogherinit nisën me Presidentin Ilir Meta. Ajo shoqërohet nga ambasadorja e BE-së në Shqipëri, Romana Vlahutin.

Takimi është zhvilluar në presidencë dhe pas takimit me Metën, Përfaqësuesja e Lartë e BE-së për Politikën e Jashtme dhe të Sigurisë ka ecur në këmbë drejt Kryeministrisë për të takuar shefin e qeverisë, Edi Rama.

Në një postim në rrjetet sociale, zëdhënësja e Mogherinit, Maja Kocijancic tha se Komisioni Europian shpreh “inkurajim të fortë për reforma të mëtejshme”.