Monika Kryemadhi merr mandatin në Fier dhe bën deputet Petrit Vasilin në Tiranë

LSI mori 4 deputetë në këto zgjedhje të 25 prillit. Në Shkodër fitoi vetë Agron Çela, kurse në Tiranë morën dy deputetë. Në Fier vetëm një deputet.

Monika Kryemadhi ishte e para në listën e kandidatëve të LSI në Tiranë dhe në Fier.

Sot njoftohet se në KQZ Monika Kryemadhi ka firmosur që të jetë deputete e Fierit, duke djegur Kejdi Mehmetajn e cila ishte direkt pas saj. Me këtë lëvizje të Kryemadhit fiton mandatin në Tiranë, Petrit Vasili i cili ishte i treti në listën e Tiranës.

Pra në Tiranë marrin mandatin e deputetit Erisa Xhixho dhe Petrit Vasili.