Mosbindja civile, Noka: Rama si struci, futi kokën në rërë

Pas mosbindjes civile, ku për 3 orë opozita bllokoi 4 akse rruge në vend, deputeti i PD-së, Flamur Noka, në një status në profil e tij zyrtar në facebook është shprehur se kreu i qeverisë Edi Rama, u bë si “struc” duke futur kokën në rërë.

“Rama si struci. Kukësi dhe Shqipëria ngrihet, Rama shkrehet duke fut kokën në rërë”,-shkruan Noka në facebook.

Ai vijon duke thënë se është turp kombëtar, pasi urrejtjen që ai ndjen për kuksianët, mundohet t’a mbulojë duke u shfaqur në publik me ”kuksianë biznesmenë”, të cilët janë përkrahës të tij.

”Pabesinë dhe urrejtjen e tij ndaj Kukësit dhe veriut mundohet t’a shlyejë me takim me “kuksianët” që janë pro tarifës të cilët n’a i paraqiti si qytetarë të Kukësit që janë të dashuruar me tarifen “Rama”. Ky është një turp kombëtar”.