Ndërron jetë nga Covid-19 në moshën 58 vjeçare gazetari i njohur Artjan Tepelena

Në këtë të shtunë tragjike, ku mësohet se kemi 4 turistë rus të vdekur në Qerret dhe një grua në Astir hedhur nga kati i tretë, vjen lajmi tjetër i dhimbshëm. Ka ndërruar jetë në moshën 58-vjeçare gazetari Artjan Tepelena. Shkak ka qenë COVID-19. Prej një muaji ai ishte i shtruar në Sanatorium.

Lajmin e trishtë e kanë njoftuar miqtë e tij në rrjetet sociale.

“Na ike kaq shumë para kohe e na trishtove kaq shumë o Tan. Do të na mungosh shumë i shtrenjti jonë, sidomos Fjordit dhe Mirës. Të prehesh i qetë në përjetësi” mbyllet postimi i miqve të tij gazetarë.

Artjan Tepelena ka qenë gazetar, kryeredaktor në TVSH, drejtor i lajmeve në TV Alba dhe së fundmi ishte pjesë e TVSCAN me një emision të tijin.