Ndryshimet në Kodin Zgjedhor, shtyhet seanca për të hënën

Kaosi në Kuvend bëri që ndryshimet në disa projektligje në Kodin Zgjedhor që lehtësojnë procesin e votimit të Diasporës, të shtyhen. Kjo pasi seanca plenare e ditës së sotme është shtyrë dhe do të zhvillohet të hënën në orën 10:00.

Është negociuar ndërmjet grupeve parlamentare për mënyrën sesi do të procedohej me seancën e sotme dhe është marrë vendimi për shtyrjen e saj. Të hënën në Kuvend do të shqyrtohen projektligjet për disa ndryshime në Kodin Zgjedhor, por edhe pjesën tjetër të rendit të ditës që automatikisht transferohet për tu diskutuar dhe votuar.

Sa i përket numrit të votave apo arritjes së kuorumit, gjatë ndërprerjes të gjithë deputetët e PS u thirrën që të ishin të pranishëm. Por ata u ndërprenë punimet ata u paraqitën në sallën e seancave plenare, duke plotësuar kësisoj numrin e mjaftueshëm edhe për votimin e Kodit Zgjedhor nëse do të arrihej konsensusi.