Noka, Këlliçi dhe Alizoti takime me komunitetin shqiptar në Hamburg, Gjermani

Sekretari i Përgjithshëm i Partisë Demokratike, Flamur Noka, së bashku me Belind Këllëçin dhe Tomorr Alizoti po zhvillojnë një takim me shqiptarët në Hamburg, në kuadër të zgjedhjeve të 11 majit dhe votës së diasporën.

“Berisha dhe PD si ideues dhe projektues i të drejtës së votës për diasporën, besojnë tek fuqia e vullnetit tuaj për një Shqipëri ndryshe, normale dhe të barabartë për të gjithë. Një Shqipëri të jetueshme.

Fuqia e ndryshimit të Shqipërisë qëndron në duart tuaja dhe vota juaj do t’i japë një shans historik transformimit të vendit. Regjistrohuni, mos neglizhoni, shpresa është tek ju”, tha ai.

Këlliçi nuk la pa prekur as çështjen e Veliajt, i cili sot ndodhet pas hekurave të burgut, i arrestuar për korrupsion dhe pastrim parash. Sipas tij, Veliaj e ka kthyer Tiranën në vendin më të shtrenjtë në Europë dhe se, një çift i ri duhet të punojë 64 vjet për të blerë një apartament 100 metra katrorë.

Pjesë nga fjala e Belind Këlliçit:

Kënaqësi e privilegj që jemi këtu sot, në Hamburg. Jemi me ju, në një sallë ku siç e shihni, nuk ka asnjë patronazhit. Nuk ka asnjë kryetar bashkie që vjen me taksat e qytetarëve të Shqipërisë, nuk ka asnjë hajdut. Nuk ka asnjë deputet që vjedh lekët e qytetarëve. Nuk k asnjë bandit që nën petkun e pushtetit, vjedh familjarët tuaj në Shqipëri. Por ka qytetarë të ndershëm, ka shqiptarë që kanë ikur nga halli, kanë lënë vendin e tyre dhe ka politikanë të përgjegjshëm që punojnë për vendin e tyre, për Shqipërinë.

Unë falënderoj zotin Idrizi, për fjalën e tij pak më parë, sigurisht Kosova është e pandarë me Shqipërinë, por mos harroni që ishte Sali Berisha dhe Xhorxh Bush që deklaronin pavarësisë e Kosovës në zemër të Tiranës. Dhe ishte Xhorxh Soros që Sali Berishën dhe Partinë Demokratike e shpallën non-grata. Ishin ata që punojnë për Xhorxh Soros, për rrjetin më famëkeq në botë, që ka shkatërruar familje dhe kombe pafund në botë. Që thonin, kushdo që mbështet shumicën, Partinë Demokratike, është non grata. Po a mund ti thuash PD, non grata? Partisë që themeloi marrëdhëniet me SHBA. Partisë që liberalizoi vizat, partisë që anëtarësoi Shqipërinë në NATO. A mund ti thuash Tomor Alizotit non grata? Flamur Nokës non grata? Mua non grata? A mund ti thuash njerëzve të ndershëm non grata? Të dashur miq, unë ndjehem i privilegjuar që sot jam këtu dhe kam mundësinë të flas me ju.

Një lajm i mirë vjen sot nga Hamburgu. Më 11 maj, Edi Rama do të paketohet për tek miku i tij i ngushtë Charls McGonigal. E mbani mend, kryeagjenti i FBI që paguhej nga Edi Rama për të sulmuar opozitën në Shqipëri.

Për 10 vjet, Edi Rama ka përzënë 1.1 milionë shqiptarë nga Shqipëria. A e dini ju që shteti jonë investon 180-200 mijë euro për çdo fëmijë që lind në Shqipëri deri në moshën 18 vjeç. Dhe çfarë ndodh pastaj. Gjithë ai kapital, gjithë ai mund shkon jashtë Shqipërie. Sepse të rinjtë ikin nga Shqipëria. E kanë të pamundur të jetojnë në Shqipëri. Ne sot jemi në një situatë ku më të mirët po na ikin. Ata që paguhen me rroga mesatare të larta po ikin. Nuk ikin më ata që nuk ushqejnë dot familjen. Por edhe ata që kanë një siguri ekonomike në Shqipëri, ikin. Ikin sepse kanë një qeveri që nuk punon për ta.

A e dini ju që ai që ka harxhuar 860 mijë euro për brekë, për kanatiere, ai që quhet Erion Veliaj, e ka kthyer sot Tiranën qytetin me metrin katror më të shtrenjtë mbase në Europë për të blerë një apartament. A e dini që një çifti të ri i duhen 64 vite punë për të blerë një apartament 100 metër katrorë në Tiranë? E ndërkohë më kollaj mund tja dalë në hamburg, Mynih, Berlin, apo kudo në Europë. Edi Rama po zbaton një plan të mirëmenduar për ta shpopulluar Shqipërinë nga shqiptarët. Edi Rama, çdo ditë që shkon në zyrë, shkon dhe punon kundër interesit të qytetarëve.

Deputeti i PD, Tomorr Alizoti në takimin e rradhës me diasporën në Hamburg shprehu pakënaqësitë e tij me qeverisjen aktuale në vend.
Alizoti tha se Shqipëria sot është vendi it ë paushqyerve dhe të gjithë emigrantët janë këtu për një jetë më të mirë duket lënë pas çdo gjë.
“Është kënaqësi që ju shikoj të gjithve në një sallë kaq të madhe, është kënaqësi që jeni kaq shumë. Është edhe një lloj fatkeqësie që nuk mblidhemi në shtëpinë tonë, por mblidhemi rrugëve të botës. Ne vimë nga një ndër vendet më të bukura të Europës. Vëllezër dhe motra, jeta e shqiptarve ka qenë një jetë e dhimshme. Jeta e shqiptarit këtij kombi të vogël, por me dhimbje të mëdha. Vazhdon të jetë e dhimshme. Imagjioni kur lenë familjet tuaja dhe keni ardhur nëpër rrugët e botës.

Ne jemi ndër të paktët popuj në Europë që kemi lënë shtëpinë tonë, historikun tonë vetëm për tu ushqyer për një jetë më të mirë. Sot në Shqipëri ka njerëz që nuk mund të ushqen, Shqipëria është vendi i të paushqyerve. Jemi në një krizë të madhe ekonomike, politike dhe identiteti dhe ju jeni rrugëve të botës për një jetë më të mirë.” – tha Alizoti.