Berisha: Nuk dorëhiqem nga drejtimi i PD!

Kreu i PD-së, Sali Berisha në mbledhjen me drejtuesit politikë në 12 qarqet, ka treguar pse humbi opozita në zgjedhjet e 11 Majit, por që në krye tha se nuk tërhiqet nga drejtimi i PD. Sipas statutit të partisë, por edhe sipas premtimit publik të Sali Berishës, kryetari kur humbet zgjedhjet parlamentare jep dorëheqje të parevokueshme dhe nuk ka të drejtë të rikandidojë.

Por Berisha u justifikua me sloganin e përhershëm se “na vodhen votat”. Por kur ti vjedhin pse futesh në zgjedhje?! Dhe pse e lejon qeverinë të jetë në krye të fushatës zgjedhore, kur thua se “nuk futemi në zgjedhje pa qeveri teknike”. Pse nuk reaguat para votimeve me turma popullore derisa të realizohej kërkesa e drejtë e PD për qeveri teknike?

Ja se çfarë tha Berisha sonte:

”Edi Rama nuk u përpoq të fshehë këtë herë krimin elektoral. Ai shpërndau 138 licencë për miliona bimë kanabis. Një bimë kanabis e ka prodhimin 1 mijë euro. Sesi i ndau mafia e drogës bimët për drogë është e thjeshtë. Rama bëri publike blerjen e votës kur dy ditë para zgjedhjeve, fali 200 milionë euro gjoba dhe kamata të 10 viteve të fundit. Janë 500 mln euro PPP e koncesione.

Falja e gjobave, krim elektoral. Janë bërë mbi 10 mijë punësime shtetërore për votë. Bandat kriminale kanë vepruar më të kontrolluara se asnjëherë më parë. Bandat vepruan në 10 qarqe të vendit dhe në mbi 20 bashki, që të sjellin në parlament 30 kandidatë të PS-së.

Ylli i kësaj fushate është Sara Mile, që arriti në 30 mijë. Bandat aty ku panë se puna e nëndheshme mund të mos realizonte objektivin, dolën haptaz në një seri bashkish, ndër të cilat në Vorë, Peshkopi, Mat, Durrës, Elbasan”.

Pra e njëjta situatë; PD-ja futet në zgjedhje, thotë se do ti fitojë e me pas kur humbet deklaron se “na i vodhi Rama”!

Me sa duket prapë këtë situatë do të kemi edhe në zgjedhjet e ardhshme parlamentare.