Orla O’Hanrahan, ambasadorja e re e Irlandës. Presidenti Meta pranon Letrat Kredenciale

Orla O’Hanrahan është ambasadorja e re e Irlandës në vendin tonë. Presidenti Meta pranoi Letrat Kredenciale ndërsa vlerësoi marrëdhëniet miqësore e të bashkëpunimit midis dy vendeve, si dhe mbështetjen pa rezerva që Irlanda i ka dhënë Shqipërisë, si për anëtarësimin në NATO ashtu edhe për integrimin në BE.

Duke u ndalur në procesin e integrimit evropian, Presidenti Meta, shprehu mirënjohjen për qëndrimin e deklaruar nga Irlanda në mbështetje të çeljes së negociatave të anëtarësimit në Bashkimin Evropian të Shqipërisë dhe vijimit të procesit të zgjerimit me vendet e Ballkanit Perëndimor.

Nisur nga niveli i ulët i shkëmbimeve ekonomike e tregtare, Presidenti Meta nënvizoi nevojën për një vëmendje më të madhe në këtë drejtim dhe eksploruar më mirë potencialet reale që të dy vendet kanë.