”Para fushate ata premtojnë gjëra imagjinare”, Rama: Do kemi dy bonuse në vit për pensionistët

Kryeministri Edi Rama, thotë se bonuset për pensionistët do të vijojnë dhe ata do të marrin pjesë në shpërndarjen e fryteve të rritjes ekonomike.

Teksa ironizonte premtimet për pensionet nga kundërshtarët e tij, të cilat i quajti imagjinare dhe për efekt fushate, ai tha se qeveria nuk bën dot premtime që janë të paarritshme. Deklaratat i mbajti gjatë punimeve të konferencës ndërkombëtare për reformën në sistemin e pensioneve.

”Do të ecim paralelisht, nga njëra anë me bonuset të cilat janë rritur në mënyrë të ndjeshme, janë rritur në aspektin sasior, janë rritur dhe në aspektin e kohës së dhënies së tyre. Nga një bonus të fundvitit ne kemi kaluar në dy bonuse, një në fundvit dhe një në pranverë, dhe i kemi lidhur këto bonuse me rritjen ekonomike dhe performancën e ekonomisë”,-tha Rama.