Partia Demokratike ka denoncuar publikisht se Bashkia u ka mbyllur qytetarëve rrugën ‘Alije Këlliçi’, në fund të Fushës së Aviacionit.
Anëtari i kryesisë së PD, Grigels Muçollari tha se qindra banorë kanë ndërtuar shtëpitë e tyre, ndërkohë sipas tij janë izoluar. Muçollari thekson se projekti rrezikon jetën e familjeve.
Deklarata e plotë:
Ndodhemi në rrugën ‘Alije Këlliçi’, në fund të Fushës së Aviacionit. Kemi një rast flagrant ku Bashkia, në vend që të ishte në krah të qytetarëve, të banorëve, ka dalë kundër tyre dhe po u nxin jetën prej me shume se dy vite.
Qindra familje kanë ndërtuar këtu shtëpinë me mundin e djersën e tyre, shtëpi të legalizuara, secila prej tyre me kodin postal. Ndërkohë papritur, vjen Bashkia dhe vendos tju mbylle rrugën. Vendos ti izolojë. Ua bën të pamundur të hynë dhe të dalin nga banesat e tyre. Me një projekt, që fsheh interesa okulte. Banorët janë të bindur se Bashkia po e bën për t’i detyruar banorët të largohen në favor të marrëveshjeve me ndërtues te cilët kërkojnë pronat e tyre për të ndërtuar sipas kushteve e kritereve që ata duan. Pra bashkia bëhet palë me klientët e saj, kundër banorëve. E gjitha kjo, edhe në kundërshtim madje edhe me atë që ka kërkuar Autoriteti Rrugor.
Sipas shkresës ne fjale Autoriteti Rrugor e ka vene ne dijeni Bashkine qe e ka detyrim ligjor zgjidhjen e këtij problemi te banoreve për rrugët “Vëllazërimi”, “Alije Këlliçi” dhe madje ka vene ne dijeni edhe Këshillin e ministrave qe prej vitit 2022.
Por Bashkia, madje dhe Këshilli i Ministrave nuk denjojnë as të kthejnë përgjigje, ecin përpara kundër banorëve. Projekti i bashkisë i mbyll përfundimisht rrugën qindrave familjeve për të shkuar në shtëpinë e tyre, ky projekt nuk i jep mundësinë as ambulancës as zjarrfikëses t’ju ofroje ndihmë qytetarëve.
Ky projekt abuziv qe shkel te drejtën e servitutit, rrezikon jetën e familjeve në fjalë.
Jemi këtu për ta denoncuar këtë aferë dhe për të bërë që zëri I këtyre qytetarëve të dëgjohet.
I bëjmë thirrje bashkise se Tiranes ti japin zgjidhje te menjëhershme këtij problemi jetik te qindra familjeve. Qytetaret duan zgjidhje dhe nuk ju intereson lufta e klaneve brenda PS se.
Ju bëjmë thirrje ti japin menjëherë zgjidhje pasi ne te kundërt do te përballen me një kallëzim penal për shpërdorim detyre.
I bëjmë thirrje Shoqërisë Salillari te ndërpresë punimet e jashtëligjshme për bllokimin e rrugës.
E drejta e servitutit është një e drejte e parashikuar qe prej Kanunit te Leke Dukagjinit deri ne ditët e sotme ne çdo kod ligjor te Shqipërisë dhe shoqërive perëndimore.
